يشرح الأستاذ ريبال علاقة البيات بالتراث و ينتقل الى قراءة النوتة بالشكل السليم لبعض الأغنيات على نفس المقام.
ريبال خضري:
"(يقرأ الأستاذ ريبال التمرين قراءة ايقاعية)، مرحبا، أنا ريبال من إعزف دوت كوم.
ما بقدر أقولكن قديش في أغاني بالعالم العربي أغاني شعبيه مبنيه على مقام البيات، هلأ بدي أفسر شغله، شو يعني أغاني شعبيه؟ يعني في كتير ناس بتغلط بالدمج، ممكن تقلك إن أغنيه شعبيه يعني أنا عم بحكي على... على مثلاً عم بنحكي على صباح فخري، لأ، نحنا في كتير تمييز لازم يكون واضح، الأغنيه الشعبيه هي الأغنيه اللي اخترعوها الناس، اللي أوجدوها الناس، ما بالضروره ممكن ما نلاقيلها مؤلف، غالباً بتكون معموله مثلاً على سبيل المثال بدمشق أو بسوريا كانت تنعمل مثلاً لما النساء يجتمعوا مع بعض مثلاً يكونوا متضايقين من موضوع معين يكتبوا كلام كتير بسيط و يغنوه، فبكون اللحن جدّاً بسيط جدّاً بسيط و متواضع، بيكون الكلام كتير سهل و كتير سهله للحفظ، أكتر الأغاني الشعبيه بتكون سهله للحفظ، هلأ لما عم بنحكي على أغاني شعبيه على البيات فنحنا عنا أغاني يعني لا تعد و لا تحصى، و عنا قوالب حتى، يعني عم بنحكي على (يقرأ الأستاذ ريبال التمرين قراءة ايقاعية) نحنا عم بنحكي عالدال العونا، أكتر أغاني الدال عونا بتكون على قالب البيات، عم بنحكي على (يقرأ الأستاذ ريبال التمرين قراءة ايقاعية).
عم بنحكي عالميجانا كمان ممكن تكون، عم بنحكي على... على بعض العتبات (يقرأ الأستاذ ريبال التمرين قراءة ايقاعية)، عم بنحكي على التراث الأردني أيضاً غني... غني بشكل كتير كبير بأغاني من مقام البيات، هلأ لو لاحظتوا على النوته اللي موجوده عنا على أغنية وين عارامالله، في أنا مكتوب عندي نوتة وين عارامالله لمره واحده فقط، و تحتن منها مكتوب الكلام مره و تنين و تلاته، يعني و أربعه حتى.
طبعاً وين عارامالله هي أربع مقاطع نحنا غنينا منها مقطعين فقط اليوم، فحتلاقوا مكتوب فقط سطرين، بس أنا لو جيت بدي إفهم طب أنا كنوت كيف إقدرت زبطها، كيف عرفت الإعاده؟ حأشرح فكره صغيره إن نحنا بالإعاده بالنوتات الموسيقيه إلها أكتر من شكل، إما أنا طبعاً هي بتيجي متل نحنا بفكرة تخيلوا دائماً فكرة لما أنا بدي أحط كوتيشن بين قوسين، تمام، بدي أحد أي جمله بين قوسين اعتراضيين، فكمان نفس الفكره بتكون بالإعاده، إذا أنا بأي مكان مثلاً عملت جمله (يقرأ الأستاذ ريبال التمرين قراءة ايقاعية).
إذا أنا بعد هون بدي أعيد من الأول فأنا بيكفي إني أنا أسكر أغير البار إندينغ أو البار لاين الأخير لهاي المنطقه، و أخلي عباره عن خطين، و أخلي نقطتين باتجاه اللي أنا بدي أعيد منه، تمام، يعني أنا بدي أعيد من... بدي أعيد من بداية النوته فأنا بدي أحاول إن هون في نقطتين بدي هاي النقطتين باتجاه التايم سيغنتشر باتجاه بداية النوته، تمام، بهيك حاله أنا بعيد من الأول، هلأ لو أنا بدي أعيد من منطقه محدده، يعني أنا في جمله معينه بدي أعيدها مثلاً (يقرأ الأستاذ ريبال التمرين قراءة ايقاعية)، اللي بعدها من هون أنا بدي أبدا هلأ (يقرأ الأستاذ ريبال التمرين قراءة ايقاعية).
أنا هاي الجمله هي اللي بدي أعيدها، فإجي آل أنا بإمكاني ساعتها أتخيل إن هون في خطين أي هون نقطتين بإتجاه الأول، و هون في خطين بالبدايه كمان و هون طبعاً هون بالنهايه و هون البدايه، و هون بالنهايه في خطين و نقطتين للأول و بالبدايه كمان في خطين و نقطتين بإتجاه الآخر يعني كإني عم بحصرها إنو أنا بدي أعيد من هون لهون، بيصفى آخر نوع من أنواع الإعاده على النوته إني أنا لو بدي أوصل... لو بدي مثلاً بدي أعيد الجمله كلياتها بس بدي أغير نهايتها، مثلاً (يقرأ الأستاذ ريبال التمرين قراءة ايقاعية).
هلأ بدي إرجع أعيدها نفسها بس بدي أغير نهايتها، هون كانت (يقرأ الأستاذ ريبال التمرين قراءة ايقاعية)، أنا بدي أعيدها بدي أعدل عليها بدي إياها (يقرأ الأستاذ ريبال التمرين قراءة ايقاعية).
طب أنا هاي مش نفسها، فيها بس البدايه نفسها، فقال أنا بهيك حاله كيف بقدر أتحمل أشوفها، بعد كم بار أنا بدي بحصرهم ببعض كإنهن بحصرهن مع بعض كإن أنا بدي أعيدهن كاملين، بس بغير البار الأخير بحط عليه إشارة رقم واحد، إن هاي بأول مره بغنيها أما لما أنا بدي أرجع أعيدها بالإعاده بتجاوز هادا البار و ببدله بالبار التاني مباشرةً اللي مكتوب عليه رقم تنين، يعني أنا بالأول بغني هاي كاملةً الجمله كلياتها من أولها لآخر كامله بعدين بالإعاده برجع بعيد من الأول بس لما بوصل للبار الأخير اللي مكتوب عليه واحد بتجاوزه و ببدله بالبار رقم تنين، لو أنا بدي أحكي عن تفرعات مقام البيات شو في مقامات عندي تصدر عن مقام البيات أو مأخوذه من مقام البيات، مقام البيات نحنا قلنا إن الجنس الأدنى لازم يكون بيات، بالتالي إذا أنا بدي إحسب على مقامات مصوره على مقامات البيات، أنا هالمره ما راح إحكي على مقامات مصوره لإن أعتقد إن ما راح يكون صعب علينا إن نعمل تفتيش انفتش إن مثلاً عندي بيات راي ممكن يكون بيات صول بيات لا، هدول كلياتهن ممكن نلاقيلهن أسماء مختلفه، أنا ما راح أفتش عنهن."
